‘Gizarte Hezkuntzak 20 urte: Iraganari begiratu etorkizuna eraikitzeko’
Maiatzaren 18an izango da Gizarte Hezkuntzako II. Topaketa: Gizarte Hezkuntzak 20 urte: Iraganari begiratu etorkizuna eraikitzeko. Antolatzaileak dira Gizarte Hezkuntzako Gradua, bertako Ikasleen Batzordea eta Gizarte Hezitzaileen Euskadiko Elkartea (GHEE-CEESPV).
Ekitaldiaren helburua da, titulazioaren 20. urteurrena ospatzeaz gain, lanbideari buruz mintzatzea, egindako aurrerapenak aintzat hartzea eta datozen hogei urteetarako erronkak planteatzea.
Jardunaldia egun osoko topaketa izango da.
- Goizean, denentzako irekia izan arren, ikasleek 20 urteotan gertatu diren aldaketei buruz egingo dituzten hausnarketak izango dira ardatz.
- Arratsaldeko saiora egungo ikasleak eta Deustuko gizarte hezitzaileen 20 promozioetakoak daude gonbidatuta. Saio horretan etorkizunera begiratu nahi dugu, Gizarte Hezitzaileen Euskadiko Elkargoko, Aldarrikatuz-eko, Educablog-eko eta DUko Ikasleen Batzordeko ordezkariak mahai baten inguruan bilduta.
Izena emateko inprimakia (Izena emateko azken eguna: maiatzaren 13a)
Toki kopuru mugatua.