Iker Jamardo, Googleko software ingeniaria, Deustuko Ikastetxe Nagusian izango da

Kafe-Solasaldiak zikloaren barruan, Deustuko Ikastetxe Nagusian Iker Jamardo Zugaza gasteiztarra izango da datorren ostegunean, urriak 6. Gaur egun, Jamargo software ingeniaria da Google konpainia estatubatuarrean eta Silicon Valleyn bizi da. Deustuko Unibertsitateko ingeniaritzako ikasle eta irakasle izandakoak janaria partekatuko du ikasleekin, eta, aldi berean, bere ibilbide profesional liluragarriaz eta erraldoi teknologikoan izandako esperientziaz arituko da. Zalantzarik gabe, ekintzailetzaren eta aurrerapen teknologikoen sehaskan egiten den lana bertatik bertara ezagutzeko aukera paregabea da.