Alex Gibelalderen hitzaldia: “¿Necesito utilizar redes sociales en mi empresa?”

Gizarte sareak zuzeneko komunikabide digital gisa indartu dira, iritziak eta esperientziak trukatzeko toki, enpresak erabiltzaile eta bezero potentzial kopuru handiagoarekin harremanetan jartzeko gune; baina, balio dute nire enpresarako? Saio honetan, Alex Gibelalde bezain esperientzia zabaleko aditu baten eskutik (Twitterren eta Googlen ibilia da) ikusi ahal izango da zelan bateratu sareak merkataritzako eta marketineko estrategia batean, hazi eta emaitzak lortzeko. Ekitaldian, Merkataritzako Zuzendaritzako ikasle ohiak ere egongo dira. Programa hobeto ezagutzeko interesa dutenek kontsulta partikularrak egiteko aukera izango dute. Alex Gibelalde Deustuko ikasle ohia da, Boostiteko bazkide-sortzailea eta Espainiako Twitterreko Marketineko zuzendari izandakoa oraintsu arte. Bere karrera profesional guztian parte aktiboa izan da etengabe aldatzen ari den eszenatoki digitalean komunikatzeko, kudeatzeko eta lan egiteko moduan. Lehenago, ardurako postuak izan zituen Googlen, estatu eta nazioarte mailan, esaterako, Product Marketing Managerra Espainiarako; eta Eurogap-eko Marketin Estrategikoko aholkularitzan ere egin du lan. Marketin Estrategikoaren arloko aholkulari ere egin du lan, Eurogap-en. Alex Gibelalde irakaslea da Deusto Business Schooleko Merkataritza Zuzendaritzako Programaren arlo Digitalean.