Reyes Mate filosofo eta ikertzailearen hitzaldia biktimen muineko izaeraz, Etika Aplikatuko Zentroko Memoria, Etika eta Justizia proiektuaren barruan

Reyes Mate filosofo eta irakasle-ikertzaileak hitzaldi hau eskainiko du: La centralidad de las víctimas y su significado ético-político. DeustoForumek, Bilboko Udalak eta Etika Aplikatuko Zentroak antolatutako ekitaldi horretan, Ibone Bengoetxeak parte hartuko du, Bilboko Udaleko lehenengo alkateordeak. Aurkezlea eta moderatzailea Martín Alonso irakasle erretiratua izango da. ETAren indarkeria terroristaren inguruko ikerketek hainbat gai eta ikuspegi aztertu dituzte. Jorratu ez den alderdi batek enpresaburuen, exekutiboen eta profesionalen kontra zuzendutako estortsioko indarkeriarekin du zerikusia. Deustuko Unibertsitateko Etika Aplikatuko Zentroak koordinatutako ikertalde bat ari da gai hori jorratzen gaur egun, Memoria, Etika eta Justizia proiektuaren bidez.. Hitzaldia ikerketa horren barruan dago kokatuta.