“Ikasi, bidaiatu eta prestatu, nolako aukerak eskaintzen dizkizu Europak?” Mahai-ingurua
Gaztek dituzten nazioz gaindiko mugikortasunerako gaitasunak eta aukerak, mugen arteko loturak egiten laguntzen dute, etengabeko kontaktuak egiten baitira, bai arlo profesionalean, bai pertsonalean.
Horrela, errealitate berria sortzen ari gara: Europak eskaintzen dituen mugikortasun aukerak martxan dagoen errealitate aberasgarri eta geldiezina dira.
Mahai ingurua 16 eta 35 urte arteko gazteentzat eta profesionalentzat da, eta gazteria eta hezkuntza arloko pertsonal tekniko eta eragileentzat. Ekitaldia maiatzaren 29an izango da, Barakaldoko Clara Campoamor Kultur Etxean.
Programa
17:30-17:40. Hasiera instituzionala, Amaia del Campo, Barakaldoko alkatea.
17:40-18:10. Erasmus +. Europar Batasunaren Hezkuntza, Prestakuntza, Gazteria eta Kirol Programa.
Marta Enciso, Deustuko Unibertsitateko Zuzenbide Fakultateko Ikasleen eta Nazioarteko Harremanetako dekanordea.
18:10-18:40. Europako Boluntariotza Zerbitzua. Europako Elkartasun Kidegoa
Soledad Calderón, Europako Boluntariotza Zerbitzuko arduraduna, Boluntariotzarako eta parte hartze sozialerako agentzia. Bolunta.
18:40-19:10. EURES, Lanbide Mugikortasunaren Europar Ataria. Lanbide Heziketa Duala.
Mª Nieves Saiz Calderón, EURES-eko aholkularia. Lanbide
19:10-19:30. Eztabaida eta galderak egiteko txanda.