Ongietorri instituzionala nazioarteko ikasleei

Harrerako jardunaldia irailaren 4an izango da, 12:30ean, Bilboko campuseko Paraninfoan. Han izango dira Aitziber Irigoras Unibertsitateko Elkarteko eta Agenda 2030eko errektoreordea, Javier Arellano Nazioarteko Harremanetarako errektoreordea, Juan Mari Aburto Bilboko Udaleko alkatea eta Leixuri Arrizabalaga Bizkaiko Foru Aldundiko Euskara, Kultura eta Kiroleko foru diputatua, baita Bilbon dauden zenbait kontsul eta ohorezko kontsul ere. Topaketa lunch batekin amaituko da eta ikasleek Bilbo ezagutzeko aukera izango dute Buddy Programan parte hartzen duten Deustuko Unibertsitateko ikasleen eskutik.

Lehenengo seihileko honetan, Deustuko Unibertsitateak graduko eta graduondoko 511 ikasle baino gehiago hartuko ditu Bilbon, Bilboko Campusean, eta nazioarteko 50 ikasle gehiagok parte hartuko dute International Virtual Campusean, mundu osoko unibertsitate bazkideetako ikasleei nazioartekotzeko aukera irisgarriak eta inklusiboak eskaintzeko pentsatutako espazio digital batean ikasgaiak egiteko.

Ikasleen jatorrizko herrialdeak:

Ikasleak herrialde hauetakoak dira: Albania, Ameriketako Estatu Batuak, Argentina, Austria, Belgika, Brasil, Danimarka, Erresuma Batua, Eslovakia, Eslovenia, Estonia, Finlandia, Frantzia, Grezia, Herbehereak, Hungaria, India, Irlanda, Italia, Japonia, Kanada, Kolonbia, Koreako Errepublika, Kroazia, Letonia, Lituania, Malta, Maroko, Mexiko, Norvegia, Peru, Polonia, Portugal, Puerto Rico, Suedia, Suitza, Taiwan, Txekiar Errepublika, Txile, Txina eta Turkia.