Ekintzailetza Korporatiboko Kluba José Zudaire ASCRIko zuzendari nagusiarekin

Deusto Business Schoolek atsegin handiz gonbidatzen zaitugu Ekintzailetza Korporatiboko Klubaren beste edizio batera. Berrikuntza irekiaren arlokoko nazioarteko jardunbiderik egokienen inguruko eztabaida eta ezagutza foro egonkorra da. Ekimenaren helburua da enpresa handietan aldaketarako kudeaketa hobea egitea, ekintzaileen eta berritzaileen laguntzarekin. Laneko bazkari modura eta 25 parte hartzaile inguru aurrean direla, José Zudaire, ASCRIko zuzendari nagusia, arlo horretan izan duen esperientziaren berri ematen arituko da konfidentzialtasun giroan.

Ekintzailetza Korporatiboko Kluba Chatham House Rules bidez garatuko da. Arau horiek ez dira aplikatuko ekitaldian kazetariren bat egonez gero, kasu horretan argi adieraziko zaie parte hartzaileei.

 

IZENA EMATEKO

José Zudaire

ASCRI Espainiako Kapital, Hazkunde eta Inbertsio Elkarteko zuzendari nagusia

Jose Zudaireren ibilbide profesionala arrakastaz beterikoa da. Enpresan lizentziatu zen, 1982an Union Carbiden hasi zen lanean, eta finantza plangintzako zuzendari izatera iritsi zen. 1994an Europako Inbertsio Bankuan (BMI) sartu zen, eta Espainiako zuzendari postua lortu zuen. La Caixako banka instituzionaleko zuzendari izendatu zuten Madrilen, 2002an, eta erakunde horretan sortu zuen organismoen eta multilateralen sailean.

2013 eta 2016 bitartean, Interamericano de Desarrollo (BID) bankuaren aholkularia izan zen, sektore pribatuan negozioa garatzeko eta Foro BID Sector Privado izeneko ekimenaren buru izan zen.

2016 eta 2017 bitartean, Atrevía-ko aholkularia izan zen eta, azkenik, 2018an, ASCRIko zuzendari nagusi postua hartu zuen.

Espainiako Kapital, Hazkunde eta Inbertsio Elkartea (ASCRI)

1986an sortua, Espainiako Kapital, Hazkunde eta Inbertsio Elkartea (ASCRI) irabazi asmorik gabeko erakundea da, Espainian kapital pribatuaren industria (Venture Capital & Private Equity) ordezkatzen duena. ASCRIk Venture Capital & Private Equity-ren 100 enpresa nazional baino gehiago biltzen ditu, 70 zerbitzu-hornitzaile eta 10 inbertitzaile instituzional inguru, eta kideen artean estandar profesionalak zabaldu eta bermatzen ditu: gardentasuna, jardunbiderik egokienak eta gobernu ona.

 

Argibide gehiagorako:
irene.perez@deusto.es
91 577 61 89