Hitzaldia: “La respuesta de la Unión Europea a la multicrisis”, Armán Basurto

Pandemia osteko krisi betean, Errusiak Ukraina inbaditu izanak eragindako krisi berriaren ondorioetan murgildu da EB. Gertakarien konbinazio horrek osasun-sistemetan, enpleguan, desberdintasunean, inflazioan, energian, trantsizio berdean… duen eraginak EB multikrisi-testuinguru batean kokatzen du, eta horrek erantzun sortzaile eta berritzaileak eskatzen ditu herritarren premien aurrean. Armán Basurtok ikuspegi praktikoa emango digu Europako erantzun horri buruz.

Armán Basurtok Renew Europe taldeko kontseilari politiko gisa lan egiten du gaur egun Europako Parlamentuan, bankuen eta finantza-zerbitzuen arloetan. Zuzenbide Ekonomikoan graduatua da Deustuko Unibertsitatean, Nazioarteko Harremanetan masterra Pompeu Fabra Unibertsitatean eta Europar Politika eta Gobernantzan Europako Ikastetxean.

Ekitaldia Zuzenbide Fakultateak antolatu du Eurgetxorekin, Europako Batzordearekin eta EU-Breathe Jean Monnet Katedrarekin elkarlanean.