Nazioarteko Biltzarra: “Gizartea, hezkuntza eta eliteak. Ikuspegi historikoak, Ilustraziotik Aro digitalera”

”Gizartea, hezkuntza eta eliteak. Ikuspegi historikoak Ilustraziotik aro digitalera” nazioarteko biltzarrak gizartearen, hezkuntzaren eta eliteen arteko harremanak aztertzea proposatzen du, kontuan harturik bai gizarteak (diskurtso publikoa, alderdiak, Estatua, gobernu sistema, etab.) eta bai hezkuntzak (lehen hezkuntzako erakundeak, bigarren hezkuntzakoak, lanbide heziketa, goi mailako hezkuntza, etab.) sistema propioak osatzen dituztela. Berariazko arreta eskaintzen zaio sekularizazio, industrializazio, modernizazio, digitalizazio eta bestelako prozesu historikoek zelan bideratu duten hezkuntza sistematik gizarte sistemaren zerbitzura egongo diren eliteen prestakuntza.

Biltzarraren antolatzaileak Deustuko Unibertsitatea eta Euskal Herriko Unibertsitatea dira. Babesleak Espainiako Hezkuntzaren Historiaren Elkartea (SEDHE) eta Valentín de Foronda Historia Sozialaren Institutua dira

Informazio gehiago eta programa: www.seecongress2017.deusto.es