Deustuko Unibertsitatea Korrikan. Bilbo
2017/04/06
20:56 - 21:30
Heliodoro de la Torre eta Botikazar kaleen gurutzea (San Pedro plazara igotzeko)
Korrika, euskararen aldeko herri lasterketa, bere 20. edizioan da aurten “Hizkuntza, Kultura, Mundu BatZuk” goiburua hartuta, eta, ohi bezala, Deustuko Unibertsitateak bat egin nahi du euskara aldarrikatzeko ekimen jendetsu honekin, Donostian eta Bilbon kilometro banatan parte hartuz. Aurten, Donostiako kilometroan, Errektoregoko ordezkari batek eta ikasle batek eramango dute lekukoa; Bilbokoan, berriz, euskara gurekin ikasten ari diren Erasmus ikasleek.
Unibertsitateko elkarte guztia gaude gonbidatuta Korrikan parte hartzera Donostian zein Bilbon. Egokitu zaizkigun abiapuntuetan elkartuko gara ordua baino 15 minutu lehenago. Animatu!