Deusto International Talks | Bidearen jarraitzaileak: Jesus ibiltariarenganako hurbilketa

Kulturan, gaur egun, premiazkoa dirudi eraldaketa-prozesu bat nola egin behar den aztertzea errealitatearen maila guztietan – arlo ekonomikoan eta politikoan, arlo sozialean eta erlijiosoan, arlo pertsonalean eta motibazionalean – eta ikustea zein diren prozesu hori ahalbidetu zuten aldaketaren palankak.

Ez da funtsik gabeko kontua: munduaren jasangarritasuna eta etorkizun inklusiboa eta sortzailekidea eraikitzea ahalbidetuko duten giza bizikidetzako sareak finkatzeko premiatik sortzen da. Baina edozein etorkizun ez dago baimenduta. Badira ezinezko etorkizunak, Covid-19aren pandemiak eta horrek eragin duen elkartasun falta globalak erakutsi zuten bezala. Konponbide zorrotzak proposatu behar dira, berritzaileak eta desafiatzaileak.

Alde horretatik, posible da palanka eta prozesu horietarako sargaiak ehuntzea Nazareteko Jesusen azterketatik abiatuta. Erlijioen historiako figura gutxi izan dira hain zorrotzak giza motibazioa atzemateko eta probokazioz erronka berrietara bideratzeko, funtsezko erronkak existentzia pertsonal eta kolektiboari zentzuak proposatzeko. Eraldatzeko ahalmen hori kristau Eliza tradizionalen esparrutik kanpo ikus daiteke, baita teologiatik kanpo ere.

Saioak Ebanjelioak eragiten duen eraldaketaren izaerari buruz hausnartu nahi du, beste eraldaketa batzuk ez bezalakoa den aldetik.

Hizlariak

• Francisco José Ruiz Pérez: Deustuko Unibertsitateko Teologia Fakultateko dekanoa. Ikusi profila. 
• Carlos Eduardo Roman Hernandez:  Bogotako Javeriana Unibertsitateko Teologia Prestakuntzako Zentroko irakasle laguntzailea eta ikertzailea. Ikusi profila.

Hizkuntza: gaztelania

Izen-ematea: doan, esteka honen bidez izena eman ondoren.

Kontaktua: geo.courses@deusto.es