Deustun izango da ‘Adikziorik gabeko adikzioak’ gaiari buruzko IV. APS sinposioa
APS Osasun Mentalaren Aurrerapenerako Elkartearen IV. Sinposioa izango da Deustuko Unibertsitatean uztailaren 2an, “Adikziorik gabeko mendekotasunak” gaitzat hartuta. Topaketa horretan, ondorio psikoaktiboak dituzten substantzia kimikoekin lotuta ez dauden baina, horiek bezala, norberarentzat eta/edo beste batzuentzat kalteak eragin ditzaketen adikzio jokabide batzuei buruz hausnartuko da. Ausazko jokoez, apustuez, pornografiaz… hitz egiten dugu, baina baita gure eguneroko bizitzan ezinbesteko bihurtu diren gailu teknologikoen (sare sozialak, bideo-jokoak, online jokoak…) abusuaz ere (gehiegizkoa, kaltegarria edo desegokia).
Prebentzio sanitarioa dela eta, sinposioa aldi berean egingo da, aurrez aurre eta online. Aurrez aurreko asistentzia 20 lagunekoa izango da gehienez. Edukiera hori inskripzioaren hurrenkeraren arabera beteko da, eta, behin beteta, ondorengo inskripzioak online modalitatean egindakotzat joko dira. Aurrez aurreko modalitatean, ESIDE Eraikinaren Turing Aretoan egingo da, Deustuko Unibertsitatearen Bilboko campusean.
Izen-ematea: info@apsbizkaia.com/944.256.128
