Bizikletaren erabilera sustatzeko “Unibertsitatera bizikletaz” kanpainako sariak emango dira.

Bilboko Udalak “Unibertsitatera bizikletaz” kanpaina antolatu du Deustuko eta Euskal Herriko Unibertsitateetan, bizikletaren erabilera sustatzeko. Kartelak, informazio guneak eta tailer mekanikoa eta mantenimendukoa jarri dituzte. Horretaz gain, ekimenean bost bizikletaren zozketa egingo da garraiobide horren erabilera sustatzeko ideiaren bat eman duten ikasleen artean.

Deustuko Unibertsitateko irabazlea Zuzenbide Fakultateko Elena Bascones izan da. Hau da bere ideia: “Bilbon bidegorri gehiago jartzea, kaleetan irisgarritasun handiagoa izateko”. Ideia horrekin bizikleta bat irabazi du. Beste irabazleak Euskal Herriko Unibertsitatekoak dira eta hauek izan dira: Nekane Herrán, Jon Sever, Gorka Guarrotxena, Unai Rodríguez. Guztiek jasoko dituzte beren sariak abenduaren 18an, ostirala, goizeko 11:00etan Deustuko Memoria plazan.

Ekitaldian izango dira: Inés Ibañez de Maeztu, Zirkulazioa, Garraioak eta Ingurugiroko Zinegotzia; Enrique Rincón, Ingurumeneko Zuzendariordea; Juan José Etxeberria, Unibertsitateko Elkarteko eta Izaera eta Misioko Errektoreordea; Pello Azpitarte, Deusto Campuseko arduraduna; Fernando Asenjo, Deustuko Kirol Zuzendaria eta Osasun Batzordeko kidea; Carmelo Garitaonandia, EHUko campuseko Errektoreordea eta Sergio Seoane, EHUko Bizkaiko Ikasleen Zuzendaria.