“Etiketarik gabe” erakusketa

Datorren abenduaren 3an, Desgaitasuna duten Pertsonen Nazioarteko Eguna izango da. Egun horren helburua da desgaitasunak dituzten pertsonen gaitasunak begi bistan jarri eta estereotipoak eta aurreiritziak desagerraraztea.

Egun hori ospatzeko, Unibertsitatearen Gizarte Erantzukizuneko Inklusio eta Irisgarritasun arloak “Etiketarik gabe” kanpaina sustatu zuen. Urrian zehar, zenbait dekanotza, zerbitzu eta unibertsitateko sailek, Bilbo, Donostia eta Gasteizeko campus eta egoitzetan, pertsona talde horren inguruan entzun daitezkeen mezu inklusibo eta estereotipo edo aurreiritzien 8 etiketarekin argazkia atera zuten.

Argazki horien guztien kartela ikusgai egongo da Bilboko campuseko Eraikin Nagusiko makinak dauden sarreran, abenduaren 14ra arte.