Forotech XII: ingeniaritzaren eta teknologiaren astea
Forotech, Deustuko Unibertsitateko Ingeniaritza Fakultateak antolatzen duen Ingeniaritzaren eta Teknologiaren astea, hamabigarren ediziora heldu da eta Bilboko eta Donostiako Campusetan izango ditu ekitaldiak. Urriaren 4tik 8ra izango da.
Forotechen helburua da ikerketa eta garapen teknologikorako bokazioak sustatzea, bereziki emakumeen artean. Bilboko campusean globo aerostatiko batera igotzeko aukera egongo da eta Ferran Adriák aurkeztuko duen erronkan parte hartzekoa.
Jarduera-programa zabala. Ezagutu eta eman izena hemen.
Forotech-en XII. edizioa 8. GJHrekin
8. GJHk hazkunde ekonomiko iraunkorra, inklusiboa eta jasangarria lortu nahi du, pertsona guztiei onura berdina ekarriko diena eta ingurumenari kalterik egingo ez diona. Hori lortzeko, pertsona guztientzat enplegu duina sortu beharko da, batez ere emakumeentzat, gazteentzat eta kalteberatasun-egoeran dauden beste talde batzuentzat; horretarako, haurren lana bezalakoak desagerrarazi beharko dira, eta ekintzailetza eta berrikuntza teknologikoa bultzatu. Horrela bakarrik lortuko da kalitatezko enplegu betea sortzea eta biztanleriaren ongizatea areagotzea.
