Jardunaldia. Gipuzkoako Foru Aldundia
Deustuko Unibertsitateko Donostiako campusean informazio jardunaldia egingo da martxoaren 1ean (Foro aretoan, 17:00etan), Ekonomia Ituna, Lurralde Historikoetako Zerga Sistema eta Gipuzkoako Foru Ogasunaren funtzionamendua ezagutzeko. Donostiako campuseko errektoreordetzak, Zuzenbide Fakultateak eta Deusto Business Schoolek antolatu dute bilkura, Gipuzkoako Foru Ogasunarekin lankidetzan, eta bertan izango dira Jokin Perona (Ogasun eta Finantzetako foru diputatua) eta Irune Yarza (Foru Ogasuneko zuzendaria). Bi fakultateetako Enpresaren Kudeaketa Fiskala eta Zerga Zuzenbidea ikasgaiko ikasleek gure zerga-sistemaren funtzionamendua zuzenean eta zehatz ezagutzeko aukera izango dute, baita fiskalitatearekin lotutako funtsezko kontzeptuak ere.
