Harrera Jardunaldiak Lehen Hezkuntzako eta Jarduera Fisikoaren eta Kirolaren Zientzietako + Lehen Hezkuntzako gradu bikoitzeko ikasleentzat (Donostiako campusa)

Irailaren 5ean, 10:00etan, 002 Gelan (Aita Arrupe eraikina, Donostiako campusa) ongietorria egingo zaie 2016-17 ikasturteko Lehen Hezkuntzako eta  Jarduera Fisikoaren eta Kirolaren Zientzietako + Lehen Hezkuntzako Gradu bikoitzeko ikasleei. Jardunaldian zehar, ikasleek aukera izango dute titulazioko koordinatzailea ezagutzeko eta Fakultateko baliabide eta zerbitzuei buruzko informazioa jasotzeko, baita ikasketei buruzko zehaztasun gehiago jakiteko ere. Horrez gain, izan ditzaketen zalantzen inguruko orientazioa jasoko dute eta, ekitaldia amaitzean, unibertsitateko txartela jasoko dute.