Kepa Acero. Olatuak baino haratago

Erronkei buruzko jardunaldi batera gonbidatzen zaitugu Kepa Acero surflari ezagunaren eskutik. Bere bizitzako esperientzia, motibazioa, kirolaren balioak, amets zailak egiteko espiritua, eta bidaietan aurkitu dituen abentura eta pertsonak partekatuko ditu gurekin. Izena emateko.

Kepa Acero surflari ezaguna da, karrera profesionala 18 urterekin hasi zuen eta Europako junior txapelketako irabazlea izan zen. Urteetan egon izan da Europako 10 surflari profesional onenen artean. Duela urte batzuk lehiaketak alde batera utzi eta bere karrera berbideratu egin zuen, surfa kirol modura barik, arte eta bizitza estilo moduarekin lotzen zuten erronketan parte hartzeko. Kepa Acerok dioenez, diziplina hori mundua ikusteko beste modu bat da. Orain arte izan duen erronkarik garrantzitsuena izan da “5 olatu, 5 kontinente”. Desafio horretan mundu mailako 5 olatutan aritu zen surfean, bost kontinenteetan zehar bakarrik egindako bidaian.