Desgaitasunari buruzko praktika juridikoa (SS)
Ekainaren 2ko 8/2021 Legeak, ahalmen juridikoa erabiliz desgaitasuna duten pertsonei laguntzeko legeria zibil eta prozesala erreformatzen duenak, berritasun garrantzitsuak dakartza kolektibo horren erregulazioan, eta New Yorken (2006ko abenduan) egindako Desgaitasuna dutenen Eskubideei buruzko Nazioarteko Konbentzioan ezarritakora egokitu nahi du. Jardunaldion helburua da eztabaida juridikoari ekarpena egitea eta zuzenbideko ikasleek gaurkotasuna duen gai horri buruz duten prestakuntza osatzea, erreforma horrek kolektiboei nola eragiten dien aztertuz. Horrela, bi egunetan, gizarte-erakundeen, Fiskaltzaren, notarioen, epaileen eta erregistratzaileen ikuspegia entzun ahal izango dugu. Guztiek izango dute aukera, legeria berriak dakartzan erronkei eta aukerei buruzko ikuspuntua emateko.
