Zuzenbideko eta Lan Harremanetako Gradu bikoitzeko ikasleak Arriaga antzokia bisitatuko dute, Antzokiaren Kontabilitateko eta Finantzetako Informazioaren azterketa egingo dute, eta Bilboko Udalarekin duen lotura ere aztertuko dute

Datorren asteazkenean, martxoak 21, Deustuko Unibertsitateko Zuzenbideko eta Lan Harremanetako Gradu bikoitzeko lehen mailako ikasleek Bilboko Arriaga Antzokia bisitatuko dute. Eta solasaldia izango dute Jose Ignacio Malaina zuzendari eta kudeatzailearekin. Jarduera Kontabilitatea II irakasgaiaren barrukoa da, sektore publikoaren arloko kontabilitatea aztertzen dute. Ikasleek, bisita egin aurretik, lan egin dute Antzokiaren kontabilitateko eta finantzetako informazioa bilatzen eta aztertzen eta Bilboko Udalarekin duen lotura ere aztertu dute, hura baita bazkide bakarra Teatro Arriaga S.A. Jarduera Kulturalen Zentroan. Jarduera 12:00etatik 14:00etara bitartean izango da, eta Zuzendari kudeatzailearen hitzaldiaren ondoren, bisita gidatua egingo da Bilboko Antzoki ospetsua ezagutzeko. Jarduerari amaiera emateko, ikasleek lan idatzia egin beharko dute taldeka, etengabeko ebaluaziorako.