Mahai-ingurua: “Bizikidetzarako memoriak”
Azaroaren 14an, Memoriaren Eguna da. Hori dela eta, eta Eusko Jaurlaritzaren eta unibertsitateen arteko lankidetza hitzarmenaren barruan, Deustuko Unibertsitateak mahai-inguru bat antolatu du Euskadiko indarkeriaren biktimen eta oraintsuko memoriaren inguruan. Bizikidetzan laguntzeko, jardunaldiaren asmoa da gogoeta egitea, Giza Eskubideen Institutuak eta Etika Aplikatuko Zentroak bizikidetzaren eta giza eskubideen planaren barruan egindako txostenetatik abiatuta. Horretarako, gurekin izango ditugu bizikidetzarako memoria eraikitzeko prozesuetan parte hartu duten indarkeriaren biktimak eta txostenen egileetako bi.
