Nina Pacari: “La situación de los derechos de los pueblos indígenas”

Herrialde indigenen eskubideen aitortzan azken hamar urteotan aurrerapauso handiak eman badira ere, herrialde horiek atzerapen, pobrezia eta bazterkeria egoerei eginbehar izaten diete aurre euren herrialdeetan. Bai Nazio Batuen Erakundeak eta bai Amerikako Estatuen Erakundeak eskubideak aitortzeko prozesu garrantzitsua egin dute. Besteak beste, eskubide hauek aitortu zaizkie: lur, lurralde eta baliabideak izateko eskubidea; hizkuntza propioa erabiltzeko eskubidea; herrialde indigenen bizimoduari eragiten dioten garapen proiektuak onartzen direnean, aurretiaz informazioa jaso eta askatasunez erabakia hartzeko eskubidea. Garrantzi handikoa izan da, aro kolonialetik, herrialde horiek jasan dituzten bidegabekeria historikoak begien bistan jartzeko. Hala ere, bide luzea dago oraindik egiteko.

Nina Pacari (kichwa hizkuntzan, “nina” hitzak sua esan nahi du; eta “paquariy” hitzak, goizaldea), Kichwa nazionalitateko abokatua, lider indigena eta Ekuadorreko politikaria da. Zuzenbidea ikasi zuen Ekuadorreko Unibertsitate Zentralean, Quiton. Bertan ekin zion herrialde indigenen eskubideak defendatzeari. 1989an, Chimborazo eskualdeko kichwa komunitateen abokatu izan ondoren, Ekuadorreko Indigenen Nazionalitateen Konfederazioko (CONAIE) kontseilari izatera iritsi zen. 1998an, Kongresu Nazionalerako aukeratu zuten lehenengo emakume indigena izan zen, Pachakutik mugimenduaren ordezkari. Ekuadorreko Kanpo Arazoetako ministro izan da eta Gorte Konstituzionaleko epaile ere bai.

 Izen-ematea*: Formularioa
*Leku kopuru mugatua. Ezinbestekoa da izena ematea ekitaldira joateko. 
 Harremanetarako: 94 413 90 20