Drogei eta haien araudiari buruzko Unesco Katedraren Jardunaldietarako komunikazioen aurkezpena

Deustuko Unibertsitateko Latinoamerikarako Giza Baliabideen Prestakuntzarako Unesco Katedrak eta Droga-menpekotasunen Institutuak antolaturik, ekainaren 18 eta 19an, Jardunaldiak egongo dira drogei eta haien gaineko araudiari buruz. Nahiz eta Unesco Katedrak Latinoamerikari buruzko gaietan egiten duen lan, jardunaldiak diziplina anitzekoak izango dira eta toki askotako gaiak egongo dira, izan ere Europa eta Latinoamerikako egoerei buruzko gaiak ondo hartuko dira, bereziki gai horrek dituen alderdi eta ondorio legal, sozial, politiko, kultural eta ekonomikoak aztertzen dituztenak.

Ikertzaileek, graduondoko ikasleek eta komunikazioa aurkezteko interesa duten ikertalde eta erakundeek laburpena (gehienez 250 hitz) eta Curriculum Vitaearen erreseina (gehienez 50 hitz) bidali beharko dituzte helbide honetara: catedra.unesco@deusto.es . Gaiaren laburpena eta erreseina bidaltzeko epea 2015eko maiatzaren 20ko gau erdian amaituko da. Onartua dagoen jakinarazteko azken eguna 2015eko maiatzaren 30a izango da.

Unesco Katedrak, ondoren, komunikazio onenak argitaratuko ditu.