“Smart Moto Challenge” lehiaketan parte hartzeko diseinatutako motor elektriko adimenduna aurkeztuko dute

Deustuko Unibertsitateko Ingeniaritzako ikasleek Spider X-15 motozikleta aurkeztuko dute uztailaren 7an. Ibilgailu elektriko eta adimendun baten prototipoa da, sei hilabetetan zehar diseinatu dutena nazioarteko “Smart Moto Challenge” lehiaketan parte hartzeko. Ekitaldian, 20 ikaslek osatutako talde batek hartuko du parte, Urko Vilariño eta Alazne Aguirre buru dituztela. Ondoan izango dute Inés Jacob, Ingeniaritza Fakultateko dekanoa. 10:00etan izango den aurkezpenaren ondoren, taldea Bartzelonarantz abiatuko da Ingeniaritza Fakultateko sarreratik, Montmelóko zirkuituan motorrak zelan funtzionatzen duen ikusi eta lehenengo proba egiteko. Lehenengoz hartzen du parte Deustuko Unibertsitateak lehiaketa horretan, beste 15 unibertsitateren ondoan. Lehenengoz parte hartuko dute euskal unibertsitario batzuek ere lehiaketa horretan. Txapelketaren bigarren proba Moskun izango da, urrian. Informazio gehiago: http://deustomototeam.deusto.es/