Liburuaren aurkezpena: ¿Cómo se lo digo? El arte de las conversaciones difíciles
Une askotan, bai lan arloan, bai pertsonalean, norbaitekin hitz egin beharra dugula sentitzen dugu. Hala ere, hurrengorako uzten dugu edo ekidin egiten dugu, zailtasunak ditugulako aurre egiteko. Geure buruari esaten diogu emaitza negargarria izango duela edo oraindik ez dela unea. Baina hitzik ez egitearen ondorioak larriagoak dira epe labur eta luzean.
Autodidakta modura ikasten dugu hitz egiten. Inork ez digu irakasten. Pertsonen arteko komunikaziorako trebetasun falta hori oztopoa izaten da zailak egiten zaizkigun elkarrizketak izatera.
Liburuaren helburua da elkarrizketen funtzionamendua ulertzea eta horretarako artea garatzen irakastea. Testu praktikoa da eta adibidez beterik dago. Gakoak ematen ditu galdetzaile ona izateko, norbere emozioak ulertzeko, adostasunak lortu eta ondo ixteko, kezkatzen gaituena identifikatzeko, entzute aktiboaren funtzionamendua eta eguneroko bizitzarako erabilgarriak diren hainbat tresna eskaintzen ditu.
