Feminismoaren aurkako erresistentziak
ARES ikerketa programak eta Deustuko Unibertsitateak atsegin handiz gonbidatzen zaituzte bi eguneko topaketa eta eztabaidetara, erresistentzia antifeministei buruz hitz egiteko. «ARES: erresistentzia antifeministak aztertzen» hiru urteko programa da, eduki digitaletan emakumeen berdintasunaren aurkako erresistentzia antifeministak ikertzen dituena. Aztertuko dugu nola agertzen diren, online edukietan, feminismoaren aurrerapenekiko erreakzio negatiboak. Erresistentzia antifeministak berdintasunean egindako aurrerapenen aurrean etengabe sortzen diren erreakzioak dira, eta oztopatu egiten dute genero ikuspegiak politiketan eta praktikan txertatzea.
