Simulazioa: “Grebatik akordiora”, Zuzenbide Fakultateko lantegia, Laneko eta Enplegu Publikoko Harremanetako gradu berria ezagutzera emateko

Zuzenbide Fakultateak simulazioko lantegi bat antolatu du, “Grebatik akordiora”, Laneko eta Enplegu Publikoko Harremanetako gradu berria ezagutzera emateko batxilergoko ikasleei. Unibertsitateko etorkizuneko ikasleak lan munduarekin eta bertako gatazkekin harremanetan jarriko dira, benetako kasu baten bidez: Bizkaibusen kasua. Zuzenbide Fakultateko irakasle eta ikasleek kasuaren inguruko informazioa emango dute: gatazkan dauden aldeen inguruko jarrerak, zein testuingurutan gertatzen diren eta zerk ekarri duen gatazka azalduko dute. Horrez gain, gatazken konponbiderako tresnen berri emango zaie eta inguru horrek zelan funtzionatzen duen ulertzen lagunduko zaie partaidetzaren bidez. Izen-ematea.