Dena lotuta eta ondo lotuta. Testamentu-gai interesgarriak

Deustuko Unibertsitateko jubilatuen elkarteak hitzaldi berri bat antolatu du Zahartze aktiboa eta osasungarria heziketa-zikloaren barruan. Oraingoan, Ramón Múgica irakasleak honako gai hauek jorratuko ditu: pertsona baten ondasunen oinordetza Euskal Autonomia Erkidegoko testamentu-araudiaren esparruan, zuzenbide zibil komunarekiko dituen berezitasunak, eta interesgarritzat jotzen diren zenbait gai praktiko, hala nola seme-alaben ahalordetzea adinagatik edo norberaren arazoak kudeatzeko zailtasunengatik.