BAC+ Inbertsio Foroaren XVI. edizioa Deustun

Orkestra-Lehiakortasunaren Euskal Institutuko Crecer+ Business Angels sareak (Deustuko Unibertsitatea) BAC+ inbertsio foroaren XVI. edizioa antolatu du. Ekialdia Deusto Business School zentroan egingo da (Deustuko Unibertsitateko La Comercial eraikina, Bilboko Campusa, 34. aretoa), ekainaren 2an, arratsaldeko 16:00etan.

Aurtengo edizioan bost proiektu ekintzaile aurkeztuko dira:

1. Fitness funtzionala edo Crossfit egiten duten pertsonei zuzendutako produktu berritzaileak diseinatzen eta merkaturatzen dituen enpresa bat.
2. %70eraino aurrezten duen argiztapen sistema adimendun bat, hiru elementuz osatua: argiak, edozein argitara egokitzeko moduko modulu adimenduna, eta software erabilerraza. so Sistema baliagarria da industriarako, azalera handietarako, biltegi logistikoetarako eta aparkalekuetarako.
3. Erosketa dibertsifikatuak egiteko Responsive webapp sistema, bio produktuen 4000tik gora erreferentzia dituena eta esperientzia bio paregabea eskaintzen duena plataformako zerbitzuen bitartez (errezetak, kontsultak…).
4. Sistema berritzailea garatzen duen proiektu bat, hondar-beroaren zati bat argindar bihurtzeko ahalmena duena, eta, produktu-sorta osoa sortzen duena industrien energia eta produkzio eraginkortasuna handitzeko.
5. Bainuontzi eta dutxa barruetarako alfonbra pertsonalizagarria, erabili eta botatzekoa, egunero bainuontzia edo dutxa estreinatu delako sentsazioa ematen duena. Produktu horrek esperientzia berria ematen die hoteletako bezeroei, kalitate, erosotasun eta segurtasun aldetik.