Jardunaldia: “Solasaldia gizakien salerosketari buruz: Gizakien salerosketa genero indarkeria modura”

Emakumeen Aurkako Indarkeria Ezabatzeko Nazioarteko Egunarekin bat etorriz, Deustuko Unibertsitateko Generoari buruzko diziplinarteko plataformak solasaldia antolatu du hainbat arlotako emakumeekin: akademikoekin, gizarteko agenteekin eta Estatuko segurtasun indarrekin, modu kritikoan hausnartzeko emakumezkoei eta neskatoei eragiten dien arazo sozial bati buruz. Horrela, Drogaren eta delituen aurkako Nazio Batuen Bulegoaren arabera ( UNDOC 2016 ), emakume helduak mundu osoan antzeman den gizakien salerosketaren biktimen % 51 dira.  Guztira, emakumeak eta neskatoak % 71 dira, umeen salerosketaren lau biktimetatik hiru neskatoak dira. Salerosketaren biktima diren emakume eta neskatoen artean, lautik hiru sexu esplotaziorako erabiltzen dira. Ekitaldian, mahai-ingurua eta solasaldia izango dira, hausnarketarako elkarrizketa sortzeko aukera egon dadin publikoaren eta erakunde hauek ordezkatzen dituzten adituen artean: Deustuko Unibertsitatea, Ministerio Fiskala, fenomeno honen aurkako borrokan inplikaturik dauden erakunde sozialak eta Estatuko Segurtasun Indarrak. Saioa doakoa izango da, baina beharrezkoa da izena hemen ematea, toki kopurua mugatua baita.