Adimen artifizialari eta datuen babesari buruzko jardunaldia: arau aldetiko erronkak eta gobernantza etikoa
Adimen artifizialaren bilakaera azkarrak erronka berriak planteatzen ditu arlo juridikoan, etikoan eta sozialean. Hainbat sektoretan garatzeak eta aplikatzeak hausnarketa sakona eskatzen du teknologiaren erabilera arduratsuari begira, oinarrizko eskubideen babesarekin eta pertsonen pribatutasunarekin orekan.
“Adimen artifiziala eta datuen babesa: arau aldetiko erronkak eta gobernantza etikoa” izeneko jardunaldi hau APEP IAren Euskal Herriko lurralde taldeak eta Deustuko Unibertsitateak antolatu dute. Helburua da azken aldiko araudi aldetiko aurrerakuntzen eragina aztertzea, bai Europa mailan eta estatu mailan, baita horren inplikazio praktikoak ere. Bi mahai-ingururen bidez, profesionalek eta akademikoek beren esperientzia eta ikuspegia partekatuko dute Adimen Artifizialari buruzko 2024/1689 Europako Erregelamenduari (RIA) eta AAren Erabilera Onerako eta Gobernantzarako Lege Aurreproiektuari begira.
Topaketak elkarrizketarako eta ikaskuntzarako espazio bat eskaini nahi du, adimen artifizialaren erronkak eta aukerak hobeto ulertzeko, esparru juridiko eta etiko sendoan.