Lideratu, sortu eta eraldatu Mujeres de la Luna-rekin – Deusto Ekintzaile Astea 2025

Ezagutzen duzu Mujeres de la Luna?

2025eko Deusto Ekintzaile Astea dela eta, Global Entrepreneurship Week-en barruan, Mujeres de la Luna-k parte hartuko du. Ekimen horrek turismo komunitarioa, kontzientzia soziala eta ekonomia birsortzailea bultzatzen ditu, eta pertsonekin eta planetarekin konprometitutako ekintzailetza-eredua sustatzen du.

Saioan zehar, proiektua nola sortu zen, bidean zer erronka eta ikaskuntza aurkitu dituzten eta ikuspegi eraldatzaile eta jasangarri batetik arlo sozialean ekitea nolakoa den partekatuko dute. Bidaiatzeko, elkarrekin bizitzeko eta ekiteko modu berriei buruz hausnartzeko gunea izango da, giza balioak eta ingurunearekiko errespetua erdigunean jarrita.

Jarduera hau asteartean egingo da, azaroaren 18an, Entzungelaren ondoko klaustroan.

• Norentzat:

• Ekintzaileentzat
• Unibertsitateko elkarteko kideentzat: ikasleak, irakasleak eta gainerako langileak
• Gaian interesa duten Unibertsitatetik kanpokoentzat.