Deustobarometroaren emaitzak 2025ko abendua
Deustuko Unibertsitateak, abenduaren 19an, ostiralean, Deustobarometroaren azken edizioaren emaitzak aurkeztuko ditu. Deustobarometroa seihilean behin egiten den inkesta bat da, euskal gizartean kezkarik gehien sortzen duten gaien inguruan herritarrek dituzten iritziak eta lehentasunak biltzen dituena.
Aurkezpena, Prentsa aretoan izango da eta bertan izango dira proiektuaren arduradunak, María Silvestre eta Braulio Gómez.
Ilunpetik datozen ahotsak (Donostiako campusa)
Ilunpetik datozen ahotsak (Donostiako campusa)
Giza Eskubideen Nazioarteko Eguna dela eta, Deustuko Unibertsitateak, Robert F. Kennedy Human Rights Fundazioarekin lankidetzan, “Voces desde la oscuridad” izeneko irakurketa antzeztura gonbidatzen zaitu. Emanaldia Bilboko eta Donostiako campusetan aldi berean egingo da datorren abenduaren 10ean.
Sari anitz jasotako Ariel Dorfman dramaturgoak idatzia, eta Kerry Kennedyren "Speak Truth To Power" liburuan oinarritua, obra honek munduko 37 giza eskubideen defendatzaileren testigantzak eskaintzen ditu.
Deustuko Unibertsitateko ikasle gazteen ahotsen bidez, giza eskubideen urraketen aurrean balioaz eta sendotasunaz hitz egiten diguten istorioak entzungo ditugu: adierazpen askatasuna, ingurumenaren babesa eta epaiketa justurako eskubidea, lan behartuaren abolizioa, askatasun erlijiosoa eta emakumeen eskubideak, besteak beste.
Ariel Dorfmanen hitzetan: “Iluntasunetik bedeinkazio bat bezalakoak diren ahotsak. Bizitza osoa eman dut giza sufrimenduaren taupada izugarria eta gaiztakeriaren enigma konplexuak esploratzeko aukera emango didaten hitzak aurkitzen”.
Toki kopuru mugatua dela eta, mesedez, izena eman hurrengo inprimakiaren bitartez bertaratuko zaretela adierazteko. Azken eguna: abenduaren 3a, asteazkena (egun hori barne).
“Ez naiz sorgina” erakusketa #A25
“Ez naiz sorgina” erakusketa #A25
Pentsa liteke Erdi Arotik ateratako kontakizun bat dela, baina hau 2025ean Ghanan gertatzen den errealitate bat da. Herrialde horretan, milaka emakume sorgintzat salatzen dituzte eta haien etxeetatik aldentzen dituzte. Salatuak izan ondoren, emakumeak haien komunitateetatik kanporatuak dira eta ondorioz, babesleku bila Kapatinga, Gnani, Gambaga eta Kukuo kanpamentuetara joatera behartuta ikusten dute beren burua.
Hurbil zaitez “Ez naiz sorgina” erakusketara, Amnistia Internazionalaren eskutik eta Deustuko Unibertsitateko Berdintasun Unitatearen laguntzarekin, Ghanan errealitate hau bizi izan duten hamar emakumeren istorioak ezagutu ahal izateko.
Paraninfoaren ondoko klaustroan ikusgai, azaroaren 12tik 26ra arte.
Antzerki erakustaldia: “El fantasma de la casa”
Antzerki erakustaldia: “El fantasma de la casa”
Bilboko campuseko ikasle ohien antzerki konpainiak El fantasma de la casa antzeztuko du, pertsonek beren buruarekin eta ingurunearekin bakeak egiteko duten zailtasunari buruzko ekoizpen propioko testua. Emanaldia azaroaren 29an izango da, 19:00etan, Kontainer aretoan. Sarrerak aretoko leihatilan erosi ahal izango dira 10 euroren truke, toki guztiak bete arte.
Hilen aldeko meza
Hilen aldeko meza
Azaroaren 3an, astelehenean, eukaristia ospakizuna izango da, Deustuko Unibertsitatearekin lotura izan duten eta azken urte honetan hil diren guztiak gogoratzeko. Eukaristia 13:00etan izango da Unibertsitateko Kapera Gotikoan. Denok gaude gonbidatuta Jainkoari haien bizitzagatik eskerrak emateko eta haien senideei gure elkartasuna adierazteko. 13:00etatik 14:00etara ez da egongo klaserik elizkizunera joan ahal izateko.
[Ezeztatua] #ErasmusDays: Batzen gaituzten balioak
[Ezeztatua] #ErasmusDays: Batzen gaituzten balioak
![[CANCELADO] #ErasmusDays: Los valores que nos unen](https://agenda.deusto.es/wp-content/uploads/2025/10/Cartel-Erasmus-Days-2025-cuadrado-670x475.png "[CANCELADO] #ErasmusDays: Los valores que nos unen")
Zatoz #ErasmusDays jardunaldiak ospatzera urriaren 15ean, asteazkenean, 13:00etan, Donostiako Campuseko Foro aretoan, María Silvestre Cabrerarekin (Deustuko Unibertsitateko Soziologiako katedraduna) eta Mikel Díez Sarasolarekin (EHUko Zuzenbideko irakaslea) batera.
Zuzeneko podcast bat izango da, non balio europarrei buruzko gogoeta egingo dugun: giza duintasunaren errespetua, askatasuna, demokrazia, berdintasuna, zuzenbide-estatua eta giza eskubideak. Balio horiek nola elkartzen eta inspiratzen gaituzten aztertuko dugu.
Ez galdu! Aukera paregabea izango da entzuteko, ikasteko eta gure gizartea eraikitzen duten balioei buruzko solasaldi irekian parte hartzeko.
Kantzelariordea eta Gobernu Kontseiluburuaren kargua hartzeko ekitaldia
Kantzelariordea eta Gobernu Kontseiluburuaren kargua hartzeko ekitaldia
Webinarra | Erlijio-aniztasunaren tokiko kudeaketa: Europako hirietako praktika onak
Webinarra | Erlijio-aniztasunaren tokiko kudeaketa: Europako hirietako praktika onak
RETO proiektuaren baitan, webinarra honek Europako hiriek erlijio-aniztasunaren kudeaketan eta tolerantziaren sustapenean garatutako esperientzia, ekimen eta praktiken azterketa konparatibo baten emaitzak aurkeztuko ditu.
Ekitaldia bi mahai-inguru dinamikoetan egituratuko da:
1. Mahaingurua:
Askatasun erlijiosoari eta aniztasunari buruz Europan eginiko ikerketa konparatiboaren emaitza nagusiak aurkeztuko dira. Parte hartuko dute Università degli Studi di Milano-ko (Alessandro Negri), Rijksuniversiteit Groningen-eko (Julia Martínez-Ariño) eta Coimbra-ko Unibertsitateko (Sónia Caseiro) ikertzaileek.
2. Mahaingurua:
Europako hainbat hiritan gauzatutako ekimen eta esperientzia esanguratsuak aurkeztuko dira, horien ezarpen eta arrakastarako funtsezko gakoak nabarmenduz.
Webinarraren egitarau osoa datozen asteetan eskuragarri egongo da.
Ekitaldia ingeles hizkuntzan egingo da, eta gaztelaniarako aldi bereko interpretazio zerbitzua eskainiko da.
