Euskal Gaiak zertan dira gaur?
Non dira gaur egun euskal gaiak? Zer galdera berri egin behar dizkiogu geure buruari euskal gaien orainari eta etorkizunari buruz?
Joseba Zulaika antropologo eta idazleak, euskal pentsamendu kritiko garaikidearen ahots garrantzitsuenetako batek, hasiera emango dio Deustuko Unibertsitateko Euskal Ikasketen Institutuak antolatutako Euskal Gaiak zertan dira gaur? zikloari.
Renon dagoen Nevadako Unibertsitateko irakasle emeritua da eta Vieja Luna de Bilbao eta Aberriaren Inpasseak (Alberdania, 2024) lanen egilea. Zulaikak kulturaren, identitatearen, politikaren eta boterearen arteko harremanak birpentsatzera gonbidatuko gaitu.
Hitzaldia: Basque Studies Today: Critical Perspectives and Future Agendas
Urriak 29, osteguna
12:00ak
Garate aretoa, Deustuko Unibertsitatea, Bilboko campusa
Ingelesez eta euskaraz
Joseba Zulaika (Princetongo Unibertsitateko doktorea) antropologoa, idazlea eta euskal pentsamendu kritiko garaikidearen ahots garrantzitsuenetako bat da. Renon dagoen Nevadako Unibertsitateko irakasle emeritua da, indarkeria politikoaren antropologia, nazionalismoa, nortasun kulturala eta hiri-eraldaketak landu ditu bere ikerketa-ibilbide luzean. Basque Violence: Metaphor and Sacrament, Terror and Taboo eta Vieja Luna de Bilbao bezalako nazioarteko erreferentziazko lanen egilea da eta laneko zati handi batean kultura, politika eta boterearen arteko harreman konplexuak aztertzeari ekin dio. Aberriaren Inpasseak (Alberdania, 2024) lanean, euskal gizarte garaikidearen kontraesan eta erronka politiko eta kulturaletan sakontzen du.
Zain izango gaituzue!