Ongietorria nazioarteko ikasleei

Irailaren 6tik aurrera, eta aste osoan zehar, Deustuko Unibertsitateak ongietorria egingo die nazioarteko ikasleei, eta hainbat orientazio saio egongo dira  2021/22 ikasturteko 1. seihilekoan, Deustuko Unibertsitateak 300 ikasle baino gehiago hartuko ditu Bilboko Campusean, aurrez aurreko formatuan eta 60 formatu birtualean.  25 herrialde baino gehiagoko gradu eta graduondoko ikasleak dira, Unibertsitateak eskaintzen dituen bi modalitateetan: International Virtual Campus eta presentzialitate egokitua duten ikasleak.

Deusto Virtual Campus espazio digitala da, mundu osoko ikasleek Deustun nazioarteko esperientzia izateko pentsatutakoa, aukera izan dezaten gure bi campusetan (Bilbon eta Donostian) eta gure unibertsitatean bizi ahal izateko. Modalitate horrek gizarte inklusibitate handiagoa eragiten du, eta etorkizunean unibertsitateko normaltasun berriaren parte izango da.

Bilboko Campusean aurrez aurreko trukerako 90 ikaslek baino gehiagok International Virtual campusean eskaintzen diren zeharkako eta kultura anitzeko 16 irakasgaietako batzuk ere ikasten ariko dira, formatu hibridoan.

Harrera saioetan, ikasle birtualek eta presentzialitate egokituek orientabideak jasoko dituzte Deustuko Unibertsitateari eta harrera egiten dien hiriari buruz, ORI eta Deusto Campusen eskutik.

Irailaren 9an, Bilboko Campuseko Paraninfoan, 12:30ean (CET) Ongietorri Instituzionaleko Ekitaldia egingo da aurrez aurre, eta irailaren 10ean, 13:00etan (CET), online modalitatean. Ekitaldi horietan izango dira, besteak beste, Jose Maria Guibert Deustuko Unibertsitateko errektorea, Alex Rayon Deustuko Unibertsitateko Nazioarteko Harremanetarako errektoreordea, Bizkaiko Foru Aldundiko Kulturako zuzendari nagusia eta Juan Mari Aburto Bilboko alkatea, bai eta Bilboko kontsulen agur birtuala ere.