Hasi da “Zahartze aktiboa eta osasungarria” izeneko prestakuntza zikloa

Hasi da
2021/10/07
12:00 – 13:00
Garate aretoa. Unibertsitate etorbidea 24 48007 Bilbao
 
Pedro Fabro Deustuko Unibertsitateko Erretiratuen Elkarte berriak zortzi hitzaldi antolatu ditu “Zahartze aktiboa eta osasungarria” zikloaren barruan. Bazkide guztientzako prestakuntza ikastaroa da, batez ere erretiratu berrientzat eta Deustuko Unibertsitateko aurre-erretiroko langileen kolektiboarentzat.

Hitzaldiak hilean behin izango dira, eta hainbat gai landuko dituzte: adina kudeatzen ikastea, osasuna bizitza integral eta integratzaile gisa, prestakuntza norbera aberasteko eta gozatzeko, aisia, testamentu kontuak, inbertsioak, norberaren identitatearekiko errespetua eta pertsonaren duintasuna. Helburua da gogoeta pertsonala egiten laguntzen duten bideak proposatzea.

Javier Elzok “Zahartu haziz” zikloari hasiera emango dio gaur, urriak 7, eta erretiroan aurrera egitea proposatuko du, adinaren erronkak norbere gain hartuta. Hitzaldia Garate aretoan izango da, 12:00etan, eta ordubete inguru iraungo du.

Zikloaren barruko beste hitzaldiak datozen zazpi hilabeteetan zehar emango dira. Dagoeneko eskuragarri daude datak eta gaiak webgune honetan. Saioen datak hurbildu ahala jakinaraziko da zein den lekua.

Plazak mugatuak dira, eta, beraz, inprimaki honetan izena ematea gomendatzen da; izan ere, plazak izena emateko hurrenkeraren arabera emango dira.

 
  • Partekatu eduki hau:
  • E-mail
  • Linkedin
  • Twitter
  • Gehitu ekitaldia egutegira:

Utzi erantzuna

Zure e-posta helbidea ez da argitaratuko. Beharrezko eremuak * markatuta daude

Ondorengo XHTML etiketa eta atributuak erabil ditzakezu: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>