Daniel Cuevas, Errefuxiatuentzako Jesuiten Zerbitzukoa, Deustuko Ikastetxe Nagusian bisitan

Daniel Cuevas Jaramillo Kolonbiako psikologoa eta politologoa da, gobernuz kanpoko erakundeen eta sektore pribatuaren arteko prestakuntzan, laguntzan eta trebakuntzan espezializatua, behartutako giza mugikortasunaren arloan. Hainbat GKErekin lan egin du Kolonbiako, Latinoamerikako eta Karibeko gatazka armatuaren, migrazioaren eta babeslekuaren biktimei laguntzeko. Gaur egun, JRS Colombia, Servicio Jesuita a Refugiados erakundearen koordinatzaile programatikoa da. Erakunde horrek, 1995az geroztik, lagundu, zerbitzatu eta defendatu egiten ditu behartutako lekualdatzearen biktimak edo beren eskubideen defentsan hura jasateko arriskuan daudenak. Horretaz guztiaz hitz egingo du CMDko ikasleekin datorren asteazkenean, azaroak 9, bere Kafe-Solasaldien zikloaren barruan.