DeustoForum. Cristina Parias: “Claves de la transformación de la Banca”

Finantza sistemaren egungo egoera, zaila ez ezik, inoiz ikusi gabea da alde askotatik.  Historian lehenengoz, bankuek interes tipo negatiboei aurre egin behar diete, eta horrek marjinak murriztu eta oso zail egiten du diru-sarrerak igotzea. Gainera, egoera horrek luzaro iraungo duela dirudi.

Lehentasunezko akzioak, zoru-klausulak, black txartelak, erreskatea… Espainiar bankuen irudia nabarmen hondatu da krisialdiko urteetan eta sistema guztiak behar du ospea hobetu eta bezeroen konfiantza berreskuratu.

Hori nahikoa ez balitz, teknologiak eta bezeroen ohitura aldaketak behartu egiten dituzte erakundeak aldaketa digitala egitera eta kanal digitalak erabiltzera. Egoera hori aukera bat da kostuak murrizteko eta, aldi berean, erronka handia ere bai, finantza merkatuan beste lehiakide batzuk sartzeko modua izango delako, enpresa teknologiko handiak, esaterako.

Izan ere, egokitzen ez dakiten erakundeak “desagertu egingo dira hurrengo 5-10 urteetan”, Francisco González BBVAko presidenteak behin baino gehiagotan aipatu duenez.

Cristina Parias BBVAren Espainiako zuzendari nagusiak azalduko ditu erronka horiei arrakastaz aurre egiteko eta finantza sistema globalaren lidergoan jarraitzeko gakoak zeintzuk diren.

 Izen-ematea*: Formularioa
*Leku kopuru mugatua. Ezinbestekoa da izena ematea ekitaldira joateko. 

 Harremanetarako: 94 413 90 20