Odol ematea Donostiako campusean

Enpresen Administrazioa eta Zuzendaritzako 4. Mailako Komunikazioko Zuzendaritza estrategikoa ikasgaiko ikasleek komunikazio-kanpaina bat jarri dute martxan, Gipuzkoako Odol Emaileen Elkartearekin elkarlanean. Helburua da gipuzkoar gizartea eta unibertsitateko elkartea ohartaraztea zer garrantzitsua den odola ematea. Bi xede daude: batetik, 100 odol-emate lortzea bi egunetan; eta, bestetik, epe luzerako odol-emaileak erdiestea, etorkizun hurbilean ziurtatzeko gipuzkoarrak hornitzeko odol-erreserbak. Maiatzaren 6an eta 7an izango dira odol-emateak, Deustuko Unibertsitateko Donostiako campusean, 09:30etik 13:30era, Innoguneko Ekitaldi gelan. Dona la gota ¡que no se agota! leloa erabiliko dute eta unibertsitateko elkarte guztia animatu nahi dute odola ematera eta aldizkako emaileak aurkitzera.