Deustuko Unibertsitatearen Donostiako campusak ongi etorria egingo die nazioarteko ikasleei

Deustuko Unibertsitatearen Donostiako campusak ongietorria egingo die datorren ostegunean, irailak 3, 13:00etan, nazioarteko ikasleei. Ikasleak trukeko hainbat programaren bidez iritsi dira Donostiara. 23 herrialdetako 155 ikasle atzerritar inguru arituko dira bigarren seihileko honetan Deustuko Unibertsitatearen Donostiako campusean, azken urteotako kopururik handiena. Irailaren 3 eta 4an, ikasle berriek koordinatzaile eta tutore akademikoak ezagutuko dituzte, Unibertsitatea eta zenbait zerbitzu aurkeztuko zaizkie eta campuseko instalazioak bisitatuko dituzte. Irailaren 4an, arratsaldez, bisita gidatua egiteko aukera izango dute Donostia ezagutzeko.