Arrupe Beken Komunitatearen Topaketa

Deusto Arrupe Bekei esker, talentua eta gogoa duten gazteek Deustuko Unibertsitatean ikasteko eta beren etorkizuna eraikitzeko aukera dute.

Datorren azaroaren 4an, 18:00etan, Deusto Arrupe Beken Komunitatearen urteroko topaketa egingo dugu Barandiaran aretoan. Bertan, azken urteko emaitzen berri izango dugu, beka hauei esker Deuston ikasteko aukera izan duten ikasle batzuk ezagutuko ditugu eta orain abian jarriko dugun etapa berria aurkeztuko dugu.

Gurekin izango da, halaber, Marta Cardona, FERO Minbiziaren Fundazioko zuzendari nagusia. Topaketaren muinarekin lotura estua duen gai bati buruz hitz egingo digu: «Dohaintzatik harago: eraldaketa dakarten harremanak eraiki».

Topaketan parte hartu nahi baduzu, eman izena hemen: t.ly/kteOA