Fabrikatu zeure ezkontzarako apaingarriak Deusto FabLaben

Laser bidezko ebaketa eta grabaketarako teknologia nola erabiltzen den irakatsiko dugu tailer honetan, hain zuzen ere, ezkontza baterako apaingarriak fabrikatuko ditugu: mahaiko markatzaileak, banderatxoak, tartarako apaingarriak, kateorratzak, photocallerako elementuak, seinaleak etab. Horretarako, Adobe Illustrator diseinu programaren oinarrizko tresnak irakatsiko dizkizugu, eta marrazki bektoriala sortu edo egokitu ahal izango duzu, ondoren egurrean eta metakrilatoan ebaki edota grabatuko. (Hutsetik hasitako ideia ere sortu ahal izango duzu, edo geuk aldez aurretik prestatutako txantiloiren bat erabili, moldatu eta egokitu zeure gustura).

Ikusiko dugu zeintzuk diren teknologia horren bidez fabrikatzeko jarraibideak ere. Azalduko dugu nola erabiltzen den laserra, nolako lanak egin litezkeen (ebaketa osoa, partziala eta grabaketa), eta zein material erabiltzen den. Era berean, teknologia horren ahalmenak aipatuko ditugu (zehaztasuna, detailea, azkartasuna, sormena, etab.) eta nolako aukera zabala ematen duen diseinu prozesuan.

Ikastaroaren xehetasunak

Tokia: FabLab eraikina, Deustuko Unibertsitatea

Egutegia eta ordutegia: 2016ko ekainaren 14a, 17:00-20:00

Hizkuntza: Gaztelaniaz

Instruktorea

Margarita Martínez Diseinatzaile grafikoa. Fab expert.

Izena emateko