Terapia Multifamiliarreko Europako II. Jardunaldiak

AVANCES MÉDICOSek,  Deustuko Unibertsitatearen laguntzaz, atseginez gonbidatzen zaituzte Taldeko Terapia Multifamiliarreko Europako II. Jardunaldietara.

Norberto Mascarók koordinatuko dituen jardunaldiok 2015eko azaroaren 5ean, 6an eta 7an izango dira Bilbon, eta izenburuan planteatzen den galderari erantzuten saiatuko dira: “Zelan sendatzen du terapia multifamiliarreko psikoanalisiko taldeak?”

Horretarako, esperientzia luzeko profesionalek azalduko dituzte mota horretako terapietako azken aurrerapenak, solaserako hainbat mahaitan: “Bizipena eta aldaketa psikikoa”, “Giro emozionala”, “Zer egiten dugu transferentzia eta kontratransferentziarekin?”, etab.