Legal Day 2023: Batxilergoko ikasleentzako Zuzenbide Tailerrak (Bilboko Campusa)
Aukeratu jarduera hauen artean eta eman izena joan nahi dituzun jarduera guztietan:
09:00-09:45 | Entzungela
Instagram, Twitch, Spotify, Netflix… eta orain ChatGPT. Zer paper du hemen Zuzenbideak?
Instagram-i demanda jarri zaio erabiltzaileen datuak babesteko eskubideak urratzeagatik… Blokeo edo «baneo» baten aurka joan naiteke Twitchen? Zenbat jasotzen du Spotifyn erreproduzitutako abesti baten autoreak? Youtubeko nire kanalean musika, bideo-jokoak edo film-sekuentziak askatasun osoz erabiltzea legezkoa da? Auzitara eraman nazakete meme batengatik? Norena da ChatGPTk sortutako lan bat? Teknologia digitala ulertzen eta arautzen hasita geundela, errealitate berri bat sortu da: adimen artifiziala. Ikusi zein den Zuzenbidearen papera aro digitalean Zuzenbidea + Legal Tech-eko irakaslea den Jon Artatxorekin.
10:10-11:00 | Entzungela
Lan-mundua COVID-19 amaitu ondoren: pentsatu duzu nolakoa izango den lana pandemiaren ondoren?
COVID-19 pandemia lan-munduaren konfigurazioa aldatu da, eta, ondorioz, lan-harremanetan dauden erronka eta aukerei buruzko hausnarketa egin behar da: telelana, plataformen ekonomia, enpresek eskatzen dituzten trebetasun berriak, ingurumenaren aldetik iraunkorra den lana… Etorkizuneko langileak zarete, eta zuen ahotsa beharrezkoa da. Animatu zaitez Zuzenbidea eta Lan Harremanen gradu bikoitzaren lantegi honetan parte hartze, Mariola Serrano irakaslearen eskutik!
11:30-12:30 Entzungela
Beldurrak mugara eramaten zaituenean, zer erabaki hartuko zenuke?
Terroristek bahitutako 164 bidaiari zeramatzan hegazkin bat estadio batera joan zen, hura bota eta futbol partida batez gozatzen ari ziren 70.000 pertsonak hiltzeko asmoz. Pilotu militar batek hegazkina botatzea erabaki du estadiora iritsi aurretik, 164 bidaiariak hilda. Zer egingo zenuke zuk? Galdera honi buelta bat eman nahi badiozu, ezin diozu utzi Zuzenbideko eta Filosofia, Politika eta Ekonomiako gradu bikoitz berriaren tailer honetan parte hartzeari, José Ramón Intxaurbe irakaslearen eskutik.
13:00-14:00 | Entzungela
Amazon erronka: alderdi legalak eta ekonomikoak aztertzen
Merkataritza elektronikoaren lider global horrekin batera, aurre egin behar diegun erronka berriak aztertuko ditugu —pandemiarekin are azkartuagoak—, eta zuzenbidearen, ekonomiaren eta enpresaren arteko aztertuko erlazioak ditugu. Zuzenbideko gradua + Espezialitate Ekonomikoa aztertzeko asmoa baldin baduzu, Aitziber Mugarra eta Marta Enciso irakasleen lantegi praktiko honetan parte hartu. Titulazio horrek eskaera handia du lan-merkatuan.
14:00-15:00 Lunch
Indarberritzeko, mokadu bat hartzera gonbidatzen zaitugu.
15:00-18:00 | Zuzenbideko dekanatuko bista aretoa
Zure bizitzako epaiketa
Sentitu nahi dituzu abokatuak epaiketaren aurretik sentitzen dituen kilimak? Ez pentsatu gehiago eta ausartu zaitez! «Zure bizitzako epaiketa» jarduerak Zuzenbidearen munduko ateak zabalduko dizkizu. Zure iritzia eman eta eztabaidatuko duzu, legea eskuan duzula ikasiko duzu eta zure bezeroa defendatuko duzu epaiketa batean; azken batean, markatu egingo zaitu gure Unibertsitatetik pasatzeak. ELSA Deustun (Zuzenbideko ikasleen Europako Elkartea), Zuzenbideagatiko ilusioa eta zaletasun bizia duten pertsonen bila gabiltza. Ezaugarri horiek dituzu? Orduan, zeren zain zaude? Utzi lerratzen zure kezkak, eta sartu zaitez abenturan.
