“YouCount” proiektu europarraren aurkezpena.
YouCount proiektua
Europan, eta mundu mailan ere bai, gazte asko gizarte bazterkeria jasateko arriskuan daude. Horregatik, ezagutza eta berrikuntza gehiago garatzeko premia larria dago, gizarte inklusiboagoak eta mesedegarriagoak sortzeko. Herritarren zientzia, hau da, herritarrek erkidegoren barruan gerta daitezkeen prozesu zientifikoetan parte hartzea, lagungarria izan daiteke premia horiei erantzuteko. YouCounten helburu orokorra da ezagutza eta berrikuntza berriak sortzea Europa osoan bazterkeria arriskuan dauden gazteen gizarteratzea areagotzeko, gazteen eta sormenaren gizarte-zientzia herritarraren bidez.
Bidaiderik gabeko Adingabe Atzerritarren presentziak gora egin du nabarmen Gipuzkoako Lurralde Historikoan, eta zifra adierazgarrietara iritsi da. Adingabe horiek lurraldearen babes-sistemak babesten baditu ere, baina, helduarora iritsitakoan, hortik kanpo daude, eta gehienak babesgabetasun egoeran geratzen dira ‘gazte’ kategoria hartzen dutenean.
Herritarren zientzia praktikan jarriz, gazte heldu (lehengo adingabe) horiek bazterketari, gizarteratzeari eta lana aurkitzeko dituzten aukera eta zailtasunei buruz dituzten ikuspuntu eta esperientzia desberdinak bildu eta ulertzea da proiektu honen helburua. Gainera, ezagutza berria sortzeko aukera ematen du eta gizarte inklusiboagoak eraikitzen laguntzen du, horiek ikerketan bertan parte har dezaten lagunduz.
Herritar gazte ikertzaileen taldeak – Young Citizen Scientists-, Deustuko Unibertsitateko Gizarte Lan eta Soziologia Sailak eta Deustuko Fundazioko Orkestra Lehiakortasunerako Euskal Institutuak osatuko duten lagina identifikatu eta definitzeko, LoiolaEtxea (Gizarteratzeko Elkartea), Zabalduz Kooperatiba Elkartea eta Gipuzkoako Foru Aldundiak parte hartuko dute. Horrela, hainbat living-labs abian jarriz, hainbat dinamika egingo dira Young Citizen Scientists horiei ahotsa emateko eta gizarteratzeko eta laneratzeko estrategiak aktibatu ahal izateko, arrakasta izateko aukera gehiago dituzten gazte horiek helduarora igarotzea errazteko. Proiektuaren zuzendariak: Ainhoa Izagirre, Susana Franco, Felix Arrieta eta Edurne Gonzalez Deustuko Unibertsitateko Gizarte eta Giza Zientzien Fakultateko Gizarte Laneko irakasle eta ikertzaileak.
Eguna: irailak 23, osteguna
Ordua: 16:00
Lekua: Foro aretoa, Larramendi eraikina, Deustuko Unibertsitateko Donostiako campusa.
Honako hauek hartuko dute parte jardunaldian:
– Javier Arellano, Deustuko Unibertsitateko Gizarte eta Giza Zientzien Fakultateko dekanoa
– Xabier Riezu, Deustuko Unibertsitateko Donostiako campuseko errektoreordea
– Mari Jose Aranguren, Orkestra Lehiakortasunerako Euskal Institutuko zuzendari nagusia
- Belen Larrion, Gipuzkoako Foru Aldundiko Haurren Babeseko eta Gizarte Inklusioko zuzendari nagusia