“Hiri lagunkoiak pertsona guztientzat” proiektua
Elkarteen arteko ekimen honetan parte hartzen duen Santa Maria Ikastetxeko hirugarren ikasle taldea da hau. Ekimenaren helburua da herritar kontzientzia sendotzea hiri mailako irisgarritasunaren esparruan. Gazteek eta aniztasun funtzionala duten pertsonek mapeatzen dute ingurua (OpenStreetMap-en partekatuta) eta hobetzeko proposamenak planteatzen dituzte (irisgarritasun txostenen bidez), sentiberatze partekatuko gune bat sortzeko.
Deustuko Unibertsitatea – Deusto Fundazioko hiru ikertaldek hartzen dute parte ekimenean, Zuzenbide Fakultateak lideratuta: Ekonomia, garapena eta gizarte berrikuntza pertsonentzat (EDISPe) + DeustoTech Energy + eDucar ikertaldeek. Horiekin batera daude beste gizarte erakunde batzuk: Zerbikas Fundazioa (Euskal Herrian Elkartasuneko Ikasi eta Zerbitzatu-ko sustatzailea), FEKOOR eta IGON (Bizkaian mugitzeko desgaitasuna dutenen erakundea), ikastetxeak, baita Portugaleteko Udala, Bizkaiko Foru Aldundia, Eusko Jaurlaritza eta FECYT Zientzia eta Teknologia Fundazioa ere, gaur egun proiektua babesten duten erakunde publiko gisa.
Argibide gehiagorako: www.ciudadesamigables.org
