Mendebaldeko Sahara: ikuspegi berriak aztertzen Nazioarteko Zuzenbidetik eta Nazioarteko Harremanetatik
Deustuko Unibertsitatetik, “Mendebaldeko Sahara: ikuspegi berriak aztertzen Nazioarteko Zuzenbidetik eta Nazioarteko Harremanetatik biltzarrera gonbidatu nahi zaituztegu. Gure Donostiako campusean izango da 2024ko maiatzaren 9an eta 10ean.
Ekitaldiak garrantzi handia du Nazioarteko Zuzenbidearen, Nazioarteko Harremanen eta Magrebi buruzko diziplina arteko azterlanen esparruan eta gatazka konplexu horri aurre egiteko ikuspegi berritzaileak eta diziplina ugarikoak aztertu nahi ditu. Bi egunetan zehar, izen handiko adituek ponentziak eta panelak aurkeztuko dituzte, Mendebaldeko Saharako gatazkarekin zerikusia duten alderdi juridiko eta politikoak, batetik, eta gizarte, kultura eta teknologia arloak, bestetik, jorratzeko. GKEentzat eta saharar herriarekiko elkartasun-elkarteentzat, biltzar honek aukera paregabea eskaintzen du gatazka hobeto ezagutzeko, esperientziak eta ikuspegiak partekatzeko, eta lankidetza-sareak ezartzeko arlo horretako adituekin eta beste eragile garrantzitsu batzuekin. Programari eta hizlariei buruzko xehetasun gehiago jakin nahi izanez gero, jo esteka honetara.
Kongresua doakoa da, baina aldez aurretik izena eman behar da inprimaki honetan. Izena emateko azken eguna maiatzaren 2a denez, eskertzen dizuegu ahalik eta lasterren egitea.