ESTEren 60. urteurrena
Efemeridea, aukera hoberena da gogoratzeko eta azpimarratzeko gertaera biak: ESTEren 60. urteurrena –gaur DBS- eta Gipuzkoako unibertsitate zaharrena izatea.
Ekainaren 16an, arratsaldez, ESTEren 60. urteurrena ospatzeko ekitaldia izango da Loiola Centrum-en, Estudios Empresariales aldizkariaren 150. zenbakia aurkeztuko da; belaunaldi desberdinetako ikasleen ordezkarien arteko solasaldia egongo da, eta 50 urte betetzen dituen promozioaren oroitzapen berezia izango dute.
Horren ondoren, plaka bat agertuko dute Altuna, Aranzadi eta Garate eraikinen artean dagoen plazaren izenarekin, “Errandonea-ESTE plaza”, Aita Ignazio Errandonearen oroigarri –klasikoetan aditua eta 1956an Enpresa Teknikarien Goi Eskola berriaren proiektuaren buru izandakoa. Izena aukeratzerakoan, campuseko eraikin eta espazioei pertsonen izena jartzeko erabili den irizpide bera erabili da, oraingoan ESTE marka gehitu diogu, zaindu beharreko kapital sinboliko adierazgarriaren oroigarri izateko eta Aita Errandonearekin izandako lotura bereziagatik. Proposamena gaur goizean onartu da campusean, Zuzendaritza Kontseiluaren Prestatze Batzordean.
