DeustoForum. Siento, luego existo. El poder de las emociones en nuestras vidas

2023/12/13

19:00 – 20:15

Paraninfoa. Unibertsitate etorbidea 24 48007 Bilbao

Neurozientzia arloan berriki egindako ikerketen arabera, emozioak dira gure garunak barruko eta kanpoko estimuluei ematen dien erantzunik azkarrena eta egokitzapenezkoena; izan ere, gure gorputza estimulu horiei aurre egiteko prestatzen dute eta, aldi berean, arrazionalki jarduteko gidatzen gaituzte. Emozioak, askotan ahaztuak, ekuazioaren funtsezko elementu bihurtzen dira eta gizaki gisa hartzen ditugun erabakietan eta portaeran zuzenean eragiten dute.

Zer sentitzen dugun identifikatzen eta kudeatzen jakitea, elkar ezagutzen eta gure hazkunde pertsonal eta profesionala bultzatzen laguntzeaz gain, funtsezkoa da taldeen eta erakundeen kudeaketa optimorako, eta interes partikularren edo politiko edo ekonomikoen ondorioz izan daitezkeen jarrera manipulatzaileetatik babesten gaitu.

Guzti hori dela eta, DeustoForumen topaketa honek agerian jarriko du Adimen Emozionalak gure ongizate emozionala eta mentala hobetzeko duen ahalmena, bai maila indibidualean, bai kolektiboan.

Hizlaria:

Pablo Fernández Berrocal. Malagako Unibertsitateko Psikologiako katedraduna, Emozioen Laborategiaren eta Adimen Emozionaleko Masterraren zuzendaria eta sortzailea.

Moderatzailea:

Ana Estévez. Psikologiako doktorea. Deustuko Unibertsitateko Osasun Psikologia Orokorreko Masterreko irakaslea eta zuzendaria.

Izena ematea.