Neuroirudi kuantitatibo klinikoari buruzko oinarrizko I. ikastaroa
Deustuko Unibertsitateko Psikologia eta Hezkuntza Fakultateko Nahasmendu Mediko Larrien Neuropsikologiako taldeak antolatu du ikastaroa. Helburua da oinarrizko ezagutzak jasotzea neuroirudia erabiliz buruko kaltea eta disfuntzioa kuantifikatzeko metodologiaz, erresonantzia magnetikoaren bidezkoaz (RM), hain zuzen ere. Gainera, ikastaroan ikusiko da nolako aplikazioa duten metodo horiek gaixotasun neurodegeneratibo eta neurologikoetan, esaterako, Parkinsonen gaixotasunean, esklerosi anitzean, gaixotasun neuropediatrikoetan edo dislexian.
Ikastaroa Neurozientzien arloko ikertzaileentzat da, neuroirudiaren arloa ezagutu nahi dutenentzat, bereziki gai klinikoetan aplikatutako RMren erabileran. Ikastaroa beste graduondoko batzuetako ikasleentzat ere bada: Neuropsikologiako masterra, Bioingeniaritzako eta Neurozientzietako masterra, baita neuroirudian interesa duten psikologo eta medikuentzat ere.
